Bakı. Trend:
Asiya İnkişaf Bankı (AİB) “Buzlaqlardan Fermalara” adlı regional proqramı təsdiqləyib.
Trend banka istinadən xəbər verir ki, proqram Azərbaycan, Ermənistan, Gürcüstan, Qazaxıstan, Qırğızıstan, Pakistan, Tacikistan, Türkmənistan və Özbəkistanı ehtiva edir.
Proqram üzrə texniki yardımın məbləği 225 000 dollar civarındadır.
Kiçikmiqyaslı biliklərin ötürülməsi və dəstək göstərilməsi təşəbbüsü proqramın səmərəli tətbiqi üçün zəruri institusional, əməliyyat və əlaqələndirmə mexanizmlərinin yaradılmasına, əsas sənədlərin, müvafiq tədqiqat və diaqnostik materialların hazırlanmasına imkan verəcək.
Göstəriləcək dəstək proqramın həyata keçirilmə mərhələsinə keçidini asanlaşdıracaq, gecikmələrin minimuma endirilməsinə, təklif olunan layihələrin hazırlıq səviyyəsinin artırılmasına, həmçinin kənd təsərrüfatı, səhiyyə, sosial müdafiə və su ehtiyatları kimi əsas sektorlarda görülən tədbirlərin ümumi effektivliyi və dayanıqlığının yüksəldilməsinə xidmət edəcək.