Dekabrın 6-da Ədliyyə Nazirliyi və Beynəlxalq Qırmızı Xaç Komitəsinin Azərbaycandakı nümayəndəliyinin əməkdaşları Binədəki 3 saylı cəzakçəkmə müəssisəsinə gedəcəklər. Bu barədə Trend ə Azərbaycan Respublikası Ədliyyə Nazirliyinin mətbuat xidmətinin rəhbəri Aydın Ağazadə məlumat verib.
"Cəzaçəkmə müəssisəsinə getməkdə məqsəd vərəmli dustaqlarla görüşmək, onların vəziyyəti ilə tanış olmaq və müəssisədəki avadanlıqlara baxış keçirməkdir. Bu tədbir Ədliyyə Nazirliyi ilə Beynəlxalq Qırmızı Xaç Komitəsinin vərəmə qarşı mübarizə sahəsində birgə layihəsinin bir qoludur. Daha sonra ədliyyə naziri Fikrət Məmmədovun, Beynalxəlq Qırımzı Xaç Komitəsinin Azərbaycandakı nümayəndəliyinin rəhbərinin və xarici səfirliklərin nüimayəndələrinin iştirakı ilə "Eksellsyor" otelində cəzaçəkmə müəssələrində vərəmə qarşı mübarizəyə həsr olunmuş geniş tədbir keçiriləcək", - deyə Aydın Ağazadə söyləyib.
Mətbuat xidmətinin rəhbəri onu da bildirib ki, tədbirin sonunda nazir Fikrət Məmmədov və Beynəlxalq Qırmızı Xaç Komitəsinin Azərbaycandakı nümayəndəliyinin rəhbəri birgə mətbuat konfransı keçirəcək.
