Dekabrın 28-də Azərbaycan Respublikası Ali Məhkəməsində Bakı-Tbilisi-Ceyhan neft kəmərinin tikintisi zamanı maddi zərər çəkmiş Samux rayon sakinlərinin kassasiya şikayətlərinə baxılacaq. Bu barədə Trend ə Ali Məhkəmənin mətbuat xidmətindən məlumat verilib.
Sakinlər kassasiya şikayətlərində göstəriblər ki, neft kəməri tikilərkən əhaliyə dəymiş maddi zərərə görə kompensasiya ödəniləcəyi vəd edilib. Lakin yerli icra orqanları həmin kompensasiyaları mənimsəyib.
Vətəndaşlar hüquqlarını bərpa etmək üçün yerli və Apellyasiya məhkəməsinə müraciət etsələr də müsbət nəticə əldə olunmayıb. Bu səbəbdən də həmin məhkəmələrin qərarlarından Ali Məhkəməyə kassasiya şikayəti verilib.
