Azərbaycan Tələbə Qəbulu üzrə Dövlət Komissiyası Türkiyə universitetlərinin magistraturalarına qəbul elan edib. TQDK-dan Trend ə verilən məlumata görə, 1 yanvar 2006-cı il tarixinədək 27 yaşı tamam olmamış, Azərbaycanın ali təhsil müəssisələrinin bakalavr dərəcəli məzunları sənəd vermək huququna malikdir.
Sənədlərin qəbulu mayın 18-dən 27-dək hər gün keçiriləcək. Türkiyənin ali təhsil müəssisələrinin magistraturalarında 12 yer ayrılıb. Qəbul imtahanları Azərbaycan və rus dillərində aparılacaq. İmtahanlar iyunun 3-də keçiriləcək.
Lazımi bal toplayan abituriyentlər il ərzində Türkiyədə türk dili kursları keçəcək və yalnız bundan sonra öz ixtisaslarına uyğun bu ölkə universitetlərinə yerləşdiriləcək.