İsveçrənin Bil şəhərində 39-cu beynəlxalq şahmat festivalı start götürüb. Trend in xəbər verdiyi kimi, Azərbaycanın güclü qrossmeysteri Teymur Rəcəbovdan 2728 başqa, əsas kişi turnirində iştirak edirlər: elit qrossmeyster Aleksandr Morozeviç RUS 2731, planetin ən perspektivli şahmatçısı Maqnus Karlsen NOR 2675, görkəmli X-R. Kapablankanın istedadlı davamçısı Lazaro Bruzon CUB 2667, bu yarışların ötən ilki qalibi Andrey Volokitin UKR 2662 və sahib-təşkilatçının nümayəndəsi Yannik Pelletye SUI 2583.
Birinci turda T.Rəcəbov A.Volokitinlə görüşüb. Rəqiblər Siciliya müdafiəsində Naydorf variantı ilə oynayıb. 9-cu gedişdə Teymur kifayət qədər nadir rast gəlinən piyada ilə g4 gedişini tətbiq edib. 13-cü gedişdə R.Rəcəbovun başçılıq etdiyi ağlar bu mövqelərdə ənənəvi variantdan istifadə edib - atı d5 meydanında qurban verib. Nəticədə rəqiblər ikitərəfli oyuna başlayıb. Ukraynalı bu oyunda daha bacarıqlı olub və elə görünüb ki, Teymur uduzacaq. Bununla Teymurun məşqçi və atası Boris Şeynin də razılaşıb. Lakin oyun bitdikdən sonra məşqçinin ədalətli olaraq qeyd etdiyi kimi, "şahmatlar tükənməzdir" və bunu Teymur bir daha sübut etdi. O, partiyanın sonunda elə oynayıb ki, A.Volokitin gedişlər üzərində uzun müddət düşünməyə başlayıb və nəticədə ukraynalı 40-cı sınaq gedişini oynaya bilməyib və vaxtı ötürüb.
Ədalət naminə qeyd etmək lazımdır ki, final mövqe gənc bakılının xeyrinə qiymətləndirilib.
Birinci turun qalan partiyalarında M.Karlsen Y.Pelletyeyə, A.Morozeviç isə L.Bruzona qalib gəlib.