...

Vakant hakim vəzifəsinə seçilmək üçün uğur qazanmış 55 namizəd yekun müsabiqədən keçəcək

Cəmiyyət Materials 2 Oktyabr 2006 12:28 (UTC +04:00)

Oktyabr ayının ilk ongünlüyündə Azərbaycanda vakant hakim vəzifəsinə seçilmək üçün uğur qazanmış 55 namizəd yekun müsabiqədən keçəcək. Bu barədə Trend ə Hakimlərin Seçki Komitəsinin sədri İman Nağıyev məlumat verib.

"Bu mərhələni də uğurla keçəcək namizədlər artıq prezidentin fərmanı ilə hakim vəzifələrinə təsdiqlənəcəklər" - deyə İ.Nağıyev bildirib.

Qeyd edək ki, dövlət başçısının tapşırığına əsasən, ədalət mühakiməsinin səmərəliliyinin artırılması və görülən tədbirlər çərçivəsində 2005-ci ilin sentyabr ayında vakant hakim vəzifələrinə keçirilmiş test imtahanında 884 namizəd uğur qazansa da, imtahanın sonrakı mərhələlərində bu rəqəm 55-ə enib.

Bu rəqəm məhkəmələrdə hakim kadrlarına olan ehtiyacı təmin etmədiyi üçün 2006-cı ildə yeni sənəd qəbulu elan edilib və artıq sonuncu sənəd qəbulu ilə bağlı imtahanın ilk mərhələsi baş tutub.

Xəbər lenti

Xəbər lenti