Bu gün Beynəlxalq Güləş Federasiyasının baş katibi Mişel Büson Bakıya gəlir. Bu barədə Trend ə Azərbaycanın Gənclər və İdman Nazirliyindən xəbər veriblər.
Nazirlikdən bildiriblər ki, səfərin məqsədi - güləşin sərbəst və yunan-roma növləri üzrə gələn il Bakıda keçiriləcək dünya çempionatı ilə bağlı təşkilati məsələləri Azərbaycan tərəfi ilə müzakirə etməkdir.
Federasiyanın baş katibi çempionat keçiriləcək Heydər Əliyev adına İdman-sərgi kompleksi ilə tanış olacaq, idmançıların qalacağı mehmanxanalarda olacaq, texniki detalları müzakirə edəcək.
Səfər çərçivəsində M.Büson Azərbaycanın gənclər və idman naziri Azad Rəhimov və Azərbaycan Güləş Federasiyasnın rəhbərliyi ilə görüşəcək.