Azərbaycan, Bakı / Trend müxbir K. Zərbalıyeva/ Azərbaycan Vəkillər Kollegiyasına keçirilmiş imtahanların nəticələrindən narazı qalan namizədlərin apellyasiya şikayətinə bu gün Vəkillər Kollegiyasında baxılıb. Kollegiyanın sədr müavini Fərhad Nəcəfov bazar ertəsi Trend ə bildirib ki, apellyasiya şikayəti vermiş 5 namizəddən 4-nün şikayəti namizədlərin iştirakı ilə araşdırılıb. Şikayətlər əsassız olduğu üçün rədd edilib.
Nəcəfov bildirib ki, aprelin ikinci yarısı müsabiqənin ikinci mərhələsi keçiriləcək.
Martın 4-də keçirilmiş imtahanlarda iştirak etmək üçün 441 hüquqşünas sənəd vermişdi. Test imtahanlarında 50 və daha çox bal toplamış 299 nəfər ikinci mərhələdə iştirak etmək imkanı qazanıb.
