Azərbaycan, Bərdə / Trend müxbir Ş.Cəliloğlu/ Azərbaycanın Tərtər rayonu ərazisində yerləşən 100-ə yaxın neft quyusundan sızan neft rayonun əkin üçün yararlı sahələrini çirkləndirərək ərazini yararsız vəziyyətə salıb. Ekologiya və Təbii Sərvətlər Nazirliyinin 8 saylı Ərazi Ekologiya və Təbii Sərvətlər Şöbəsindən cərşənbə axşamı bildiriblər ki, yaranan problemlə bağlı müvafiq nazirliklərə məlumat verilib. Yaxın vaxtlarda neft sızmalarının qarşısını almaq üçün quyuların beton örtüklərində bərkitmə işləri aparılacaq.
Həmin neft quyuları 1949-cu ildə qazılıb. Buradan əldə olunan neft boru vasitəsi ilə Naftalan şəhərinə göndərilirdi. 1979-cu ildən isə müəyyən səbəblərdən neft quyuları bağlanıb.