Azərbaycanda aclıq edən məhkumların bir qrupu aclığı dayandırıb
Azərbaycan, Bakı / Trend müxbir K Zərbalıyeva/ Qobustan qapalı həbsxanasında aclıq edən məhkumların sayı artır. Ölüm cəzası ömürlük azadlıqdan məhrum etmə ilə əvəzlənmiş məhkum Dəyanət Kərimovun bacısı Nübar Kərimova bildirib ki, aclıq edən məhkumların sayı 40-dan çoxdur. Aksiyaya qoşulan məhkumlar sırasında Xüsusi Təyinatlı Polis Dəstəsinin keçmiş üzvləri Səfa Poladov, Arif Kazımov da var.
Penitensiar Xidmətin şöbə rəisi Rafiq Ramazanov isə Trend ə bildirib ki, dünən aclıq edən məhkumlardan 6-sı aclığı dayandırıb. Hazırda isə 20 nəfər aclığı davam etdirir. Ramazanovun sözlərinə görə, aclıq edənlərin səhhətləri ilə bağlı problem yoxdur və onlar həkim nəzarətindədirlər.
Qobustan həbsxanasında məhkumlar aprelin 16-dan aclığa başlayıb. Onların qohumları aclığa ilk olaraq 33 nəfərin, Penitensiar Xidmətdən isə 26 nəfərin başladığını bildirib. Məhkumların tələbi isə barələrindəki ömürlük azadlıqdan məhrumetmə cəzasının 15 ilə endirilməsi ilə bağlıdır.
