Azərbaycan, Bakı / Trend müxbir Z.Səfərov/ Aparıcı Avropa çempionatlarında mövcud təcrübəyə əsaslanaraq Azərbaycanda "Transfer pəncərəsi" müddətinin uzadılması hesabına komandalar heyətlərinə yeni futbolçuları cəlb etməkdə davam edirlər.
Bu haqda Trend ə məlumat verən AFFA-nın yarışların təşkili departamentinin rəhbəri Məlik Həsənov bildirib ki, keçidlər dövrünün bitməsi üçün hələ vaxt var.
"Hazırda biz transferlərin qeydiyyata alması ilə məşğuluq. Bir sıra komandalar , o cümlədən "Bakı" ilə "İnter" legionerləri aktiv cəlb edirlər. Lakin hələlik keçidlərin ümumi sayından danışmaq hələ tezdir. Bu barədə "transfer pəncərəsi" bitdikdən sonra danışmaq mümkün olacaq" - deyə Həsənov vurğulayıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
