Azərbaycan, Bakı / Trend , müxbir Z.Səfərov/ Azərbaycanın cüdo üzrə yığması Manisdə (Türkiyə) gənclər arasında keçirilən beynəlxalq turnirdə dörd qızıl, üç gümüş və dörd bürünc mükafat qazanıb.
Trend ə Milli Federasiydan verilən məlumata görə, fəxri kürsünün yüksək pilləsinə Samir Dadaşzadə ( 60 kq), Emin Həsənov ( 66 kq), Ramil Qurbanov ( 81 kq) və Həbib Əliyev ( 90 kq), ikinci pilləsinə Rafiq Əliyev ( 60 kq), Nadir Babayev ( 66 kq) və Elmar Qasımov ( 81 kq) qalxıb. Eyni zamanda öz çəki dərəcələrində mükafat üçlüyünə Rasim Abdullayev ( 60 kq), Rüstəm Alimli ( 73 kq), İbrahim Quliyev ( 81 kq) və Kəmalə Hüseynzadə ( 63 kq) layiq görülüb.
Yarışmada on ölkədən 150-dən çox idmançı çıxış edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
