Azərbaycan, Bakı, 26 aprel /Trend/
Azərbaycan milli komandasının iyunun 5-də Minsk şəhərində Belarus yığması ilə keçirilməsi planlaşdırılan yoldaşlıq oyunu ləğv olunub.
Trend-in AFFA-nın rəsmi saytına istinadən verdiyi məlumata görə, milli komandanın üzvlərinin əsasən Unibank Premyer Liqasının aparıcı klublarında çıxış etməsini və həmin klubların avrokuboklarda mübarizə aparacağını, Belarus yığması ilə yoldaşlıq oyununun avrokubok qarşılaşmaları ərəfəsinə təsadüf etdiyini nəzərə alan yığmanın baş məşqçisi Berti Foqts bu barədə qərar qəbul edib.