Azərbaycan, Bakı, 19 sentyabr /Trend/
Bu gün Regional Futbol Federasiyaları İctimai Birliyinin hesabat-seçki konfransı keçirilib.
Trend AFFA-nın rəsmi saytına istinadən məlumat verir ki, konfransın gündəliyinə yığıncağın tərkibinin yoxlanılması, RFF İB-nin prezidentinin keçən dövr üçün hesabatı, Nəzarət-təftiş komissiyasının hesabatı, RFF İB prezidentinin seçilməsi və digər məsələlər daxil edilib.
Gündəlikdəki bütün məsələlər müsbət həllini tapdıqdan sonra RFF İB-nin prezidenti vəzifəsinə seçki keçirilib.
İskəndər Cavadov növbəti dəfə Regional Futbol Federasiyaları İctimai Birliyinin prezidenti seçilib.