Azərbaycan, Bakı, 23 oktyabr /Trend/
AFFA İntizam Komitəsi 2012/2013 mövsümündə XXI Topaz Premyer Liqasının IX turu çərçivəsində keçirilmiş oyunlarda qeydə alınan nöqsanlarla bağlı qərarlar qəbul edib. Bu barədə Trend AFFA-nın rəsmi saytına istinadən məlumat verir.
Belə ki, "Neftçi" - "Kəpəz" matçında "Kəpəz" klubunun 5 futbolçusu sarı vərəqə ilə cəzalandığı üçün klub 1000 manat cərimə olunub.
"Turan" - AZAL matçında "Turan" klubunun 6 futbolçusu sarı vərəqə ilə cəzalandığı üçün klub 1000 manat cərimələnib.
"Xəzər Lənkəran" - "Qəbələ" matçının 82-ci dəqiqəsində "Xəzər Lənkəran" klubunun azarkeşləri tərəfindən meydançaya kənar əşya atıldığı üçün klub 2000 manat cərimə edilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
270917.jpg)
