...

"Neftçi" qalib gəldi, "Simurq" qələbəni son anda əldən verdi (ƏLAVƏ OLUNUB)

İdman Materials 10 Dekabr 2012 19:52 (UTC +04:00)
Trend-in məlumatına görə, Zaqatalanın "Simurq" klubu doğma meydanda "Xəzər Lənkəran"ı qəbul edib. Oyunda ilk qol meydan sahiblərindən gəlib. Murad Səttarlı 16-cı dəqiqədə hesabı açıb. 48-ci dəqiqədə "Xəzər Lənkəran"ın heyətində Ruslan Abışov qırmızı vərəqə alaraq meydanı tərk edib.
"Neftçi" qalib gəldi, "Simurq" qələbəni son anda əldən verdi (ƏLAVƏ OLUNUB)

Trend-i buradan izləyin

Azərbaycan, Bakı, 10 dekabr /Trend/

Bu gün Azərbaycan Premyer Liqasında XVI turun növbəti oyunları keçirilib.

Trend-in məlumatına görə, Zaqatalanın "Simurq" klubu doğma meydanda "Xəzər Lənkəran"ı qəbul edib. Oyunda ilk qol meydan sahiblərindən gəlib. Murad Səttarlı 16-cı dəqiqədə hesabı açıb. 48-ci dəqiqədə "Xəzər Lənkəran"ın heyətində Ruslan Abışov qırmızı vərəqə alaraq meydanı tərk edib.

67-ci dəqiqədə Marçin Burxardt hesabı 2:0-a çatdırıb. 72-ci dəqiqədə Elnur Abdullayev hesab arasındakı fərqi azaldıb (2:1). Oyuna əlavə olunan dəqiqələrdə isə Dmitrios Sialmas lənkəranlıları məğlubiyyətdən xilas edən qola imza atıb (2:2).

Son Azərbaycan çempionu "Neftçi" isə "Rəvan"ı sınağa çəkib.
Gözlənildiyi kimi, oyuna "Neftçi" futbolçuları fəal başlayıb. 43-cü dəqiqədə Mirhüseyn Seyidov flaqmanı irəli çıxarıb. 63-cü dəqiqədə isə Nikolas Kanales hesab arasındakı fərqi artırıb (2:0). Matç elə bu hesabla da başa çatıb.

Beləliklə, "Neftçi" 13 oyundan 24 xalla turnur cədvəlinin 5-ci pilləsində qərarlaşıb.

Qeyd edək ki, XVI turun "Turan" - "Bakı" oyunu təxirə salınıb.

Məqalədə:
Xəbər lenti

Xəbər lenti