Azərbaycan, Bakı, 11 noyabr /Trend/
"Barselona"nın argentinalı hücumçusu Lionel Messinin "Betis"lə oyunda aldığı zədə ciddidir.
Trend-in xarici KİV-ə istinadən verdiyi xəbərə görə, forvard 1,5-2 ay yaşıl meydanlardan uzaq qalacaq.
Messi sol ayağından aldığı zədə ilə əlaqədar tibbi müayinədən keçib. Həkimlər argentinalının müalicəsində təkid ediblər.
Ardıcıl 4 ildir ki, planetin ən yaxşı oyunçusu seçilən Messi, gözlənildiyi kimi, 6-8 həftə komandasına kömək etməyəcək.
Bu, təqvim ili ərzində futbolçunun aldığı dördüncü zədədir.