Azərbaycan, Bakı, 12 yanvar /Trend/
Bu gün İngiltərə Premyer Liqasının XXI turunun "Stok Siti" - "Liverpul" qarşılaşması qolların bolluğu ilə yadda qalıb.
Trend məlumat verir ki, əvvəlcə liverpullular 2 top fərqi ilə öndə olublar. Birinci hissənin sonunda ev sahibləri hesabı bərabərləşdirə biliblər.
Matçın ikinci hissəsinə qonaqlar yaxşı başlayıblar. Əvvəlcə Stiven Cerrard, sonra Luis Suarez fərqləniblər.
85-ci dəqiqədə şəhərlilər hesab arasındakı fərqi minimuma endiriblər. Oyunda son nöqtəni isə 87-ci dəqiqədə Daniel Starric qoyub - 3:5.
Beləliklə, "Liverpul" 21 oyundan 42 xalla turnir cədvəlində 4-cü pilləyə yüksəlib.