Azərbaycan, Bakı, 5 oktyabr /Trend/
Bu gün Azərbaycan və Misir Şahmat federasiyası arasında əməkdaşlıq müqaviləsi imzalanıb.
Bakıda keçirilən şahmat üzrə Dünya Kubokunun mətbuat xidmətindən Trend-ə verilən məlumata görə, müqaviləni Azərbaycan Şahmat Federasiyasının prezidenti Elman Rüstəmov və Misir Şahmat Federasiyasının prezidenti Haşem Elgendani imzalayıblar.
Razılaşmaya əsasən şahmatın inkişafı istiqamətində birgə layihələr işlənəcək, qarşılıqlı təlim-məşq toplanışlar və hakimlər arasında təcrübə mübadiləsi aparılacaq.
İmzalanma mərasimində sonra suallara cavab verən E.Rüstəmov müqavilənin vacibliyindən danışıb: "Misirlə əməkdaşlığımız müqavilədən əvvəl də olub. İndi biz bunu rəsmiləşdirdik. Müqaviləyə əsasən şahmatçılar Azərbaycanda və Misirdə təlim-məşq toplanışlarında iştirak edə bilərlər və hakimlərimizin təcrübə mübadiləsi aparılacaq".