Bakı. Tural Turan - Trend:
İspaniya La Liqasının 24-cü turunda gözlənilməz nəticə qeydə alınıb.
Trend-in məlumatına görə, La Liqada son 5 matçda qalib gələn “Real” bu turda öz meydanında gözlənilmədən məğlub olub.
“Jirona” səfərdə 2:1 hesabı ilə “Real Madrid”i məğlub edib. Qolları Kazemiro (25-ci dəq.), Stuani (65-ci dəq.) və Portu (75-ci dəq.) vurub.
Bununla “Real” 45 xalda qalıb və yenidən 3-cü pilləyə enib. “Jirona” isə xalını 27-yə çatdıraraq 15-ci pilləyə yüksəlib.