Bakı. Trend:
Bu gün futbol üzrə Dünya Çempionatının Avropa zonası üzrə pley-off mərhələsinin son oyunu keçirilib.
Trend xəbər verir ki, Uels millisi Ukrayna yığması ilə qarşılaşıb. Matç Kardiff şəhərində baş tutub.
Oyun Uels millisinin minimal hesablı qələbəsi ilə yekunlaşıb - 1:0. Oyunda yeganə qolun müəllifi Ukrayna millisinin oyunçusu Andrey Yarmolenko olub - 25-ci dəqiqədə ukraynalı futbolçu topu öz qapısına vurub.
Qeyd edək ki, Uels millisi DÇ-2022-də B qrupunda İngiltərə, İran və ABŞ milləri ilə mübarizə aparacaq.