Bakı. Trend:
AVRO-2024-ün qrup mərhələsinin I turu davam edir.
Trend İdman.biz-ə istinadən xəbər verir ki, bu gün D qrupunda mübarizəyə start verilib.
İlk matçda Polşa və Niderland qarşılaşıb. "Narıncılar" əzmkar qələbə qazanıblar. Onlar erkən qol buraxsalar da, oyunda dönüş yarada biliblər. Meydana sonradan daxil olan Veqhorst qələbə topunun müəllifi olub. O, 83-cü dəqiqədə fərqlənib.
Qeyd edək ki, qrupun digər oyunu sabah keçiriləcək.