Bakı. Trend:
16 yaşadək basketbolçu qızlardan ibarət Azərbaycan millisi Avropa çempionatının C divizionunda növbəti oyununu keçirəcək.
Trend İdman.biz-ə istinadən xəbər verir ki, yığmamız Cəbəllütariqdə təşkil olunan yarışın yarımfinal matçına çıxacaq.
Türkiyəli mütəxəssis Evren Alkayanın yetirmələri Albaniya ilə görüşəcək. A qrupunda keçirdiyi bütün qarşılaşmalada qalib gələn millimiz finala vəsiqə üçün mübarizə aparacaq.
Qeyd edək ki, final və 3-cü yer uğrunda oyun sabah keçiriləcək.
U-16-lar (qızlar) arasında Avropa çempionatı
C divizionu, yarımfinal
13 iyul
17:45. Azərbaycan – Albaniya
Cəbəllütariq. "Tersentenari" İdman Zalı