Bakı. Trend:
Bağlanış oyununda lider "Qalatasaray" səfərdə "Rizespor"la qarşılaşıb.
Trend xəbər verir ki, görüş qonaqların 2:1 hesablı qələbəsi ilə başa çatıb.
İstanbul təmsilçisinin heyətində hər iki qolu Viktor Osimhen vurub. Meydan sahiblərinin yeganə qoluna isə Ali Sou imza atıb.
Bu qələbə ilə "Qalatasaray" xallarını 63-ə çatdıraraq, ilk pillədə qərarlaşıb. "Rizespor" isə 27 xalla 12-ci sıradadır.
Qeyd edək ki, "Qalatasaray" növbəti oyununu fevralın 24-də doğma meydanda "Fənərbağça"ya qarşı keçirəcək.