Bakı. Trend:
İtaliya A Seriyasının 27-ci turu "Fiorentina" və "Leççe" komandaları arasında keçirilən oyunla başlayıb.
Trend xəbər verir ki, Florensiyada baş tutan qarşılaşmada ev sahibi komanda minimal hesabla qələbə qazanıb.
Matçın yeganə qolu 9-cu dəqiqədə "Fiorentina" tərəfindən vurulub. İkinci hissədə meydan sahibləri hesab arasındakı fərqi artırmaq imkanı əldə etsə də, penaltini dəyərləndirə bilməyib.
Qeyd edək ki, "Leççe" hazırda turnir cədvəlinin autsayderləri sırasındadır.