Bakı. Trend:
"Qarabağ" UEFA Çempionlar Liqası Liqa mərhələsinin 1-ci turu çərçivəsində Portuqaliyada "Benfika"nın qonağı olacaq. Qarşılaşmanın biletlərinin qiyməti müəyyənləşib.
Trend xəbər verir ki, bu barədə Lissabon təmsilçisinin mətbuat xidməti məlumat yayıb.
5 sentyabr tarixində satışa çıxacaq biletlərin qiyməti 40-60 avro arasında dəyişir.
Qeyd edək ki, "Benfika" - "Qarabağ" qarşılaşması sentyabrın 16-da keçiriləcək və Bakı vaxtı ilə saat 23:00-da start götürəcək.