Bakı. Trend:
"Korintians"ın futbolçusu Memfis Depay Avropaya geri qayıda bilər.
Trend xarici KİV-ə istinadən xəbər verir ki, 32 yaşlı futbolçuya “Fənərbaxça”dan təklif gəlib.
Niderlandlı isə qərar verməyə tələsmir. Çünki onun “Əl-Əhli”, “Əl-Şabab”(hər ikisi Səudiyyə Ərəbistanı), “Əl-Vasl”(BƏƏ) klublarından da dəvəti var.
"Fənərbaxça" futbolçunun keçidini həll etmək üçün indidən danışıqlara start verib.
Memfis Depay karyerası ərzində PSV, “Mançester Yunayted”, “Lion”, “Barselona” və “Atletiko” klublarında çıxış edib.