...

"AzerGold" Londonda beynəlxalq dağ-mədən konfransında iştirak edib (FOTO)

İqtisadiyyat Materials 30 Noyabr 2017 12:00
“AzerGold” Qapalı Səhmdar Cəmiyyətinin (QSC) rəhbər şəxslərindən ibarət nümayəndə heyəti 27-30 noyabr tarixlərində Böyük Britaniyanın paytaxtı London şəhərində təşkil olunan “Mines and Money” adlı beynəlxalq konfransda iştirak edib.
"AzerGold" Londonda beynəlxalq dağ-mədən konfransında iştirak edib (FOTO)

Trend-i buradan izləyin

Bakı. Trend:

“AzerGold” Qapalı Səhmdar Cəmiyyətinin (QSC) rəhbər şəxslərindən ibarət nümayəndə heyəti 27-30 noyabr tarixlərində Böyük Britaniyanın paytaxtı London şəhərində təşkil olunan “Mines and Money” adlı beynəlxalq konfransda iştirak edib.

“AzerGold” QSC-nin İctimaiyyətlə əlaqələr şöbəsindən Trend-ə verilən məlumata görə, “AzerGold” QSC-nin İdarə Heyətinin sədri Zakir İbrahimov tədbir zamanı qiymətli və əlvan metal yataqlarının işlənilməsi istiqamətində fəaliyyət göstərən müxtəlif nüfuzlu mədən şirkətləri ilə görüşlər keçirirərək yeni tərəfdaşlıq əlaqələri formalaşdırıb, dağ-mədən sahəsində tətbiq olunan innovasiya və texnologiyalar haqqında geniş fikir mübadiləsi aparıb. Tədbirin sərgi hissəsində yerləşdirilən “AzerGold” QSC-nin məlumat stendi müxtəlif xarici mədən şirkətləri və investorlar tərəfindən maraqla qarşılanıb.

“AzerGold” QSC-nin Streteji planlaşdırma və biznesin inkişafı şöbəsinin müdiri Kənan Salayev konfrans çərçivəsində baş tutan Qızıl Sammitində təqdimatla çıxış edib. K.Salayev Azərbaycanın dağ-mədən sənayesi, əlvan metalların hasilat və ixrac potensialı, həmçinin bu sahənin perspektivləri haqqında konfrans iştirakçılarına geniş məlumat verib.

“Mines and Money” konfransı yeni baxış və yanaşmalar, gələcək hasilat işlərinin maliyyələşməsi, investisiya cəlbetmə üsullarının müəyyən edilməsi, innovasiyaların tətbiqi və əməkdaşlığın genişlənməsi mövzularını əhatə edib.

Qeyd edək ki, “Mines and Money” konfransı 75 ölkədən olan 2000-dən çox iştirakçının, dağ-mədən şirkətlərini təmsil edən 900-dən çox nümayəndənin, idarəetməsində 3,6 trilyon dollar dəyərində aktiv olan 800-dən çox investor və maliyyəçinin iştirak etdiyi dağ-mədən sahəsinin ən böyük tədbirlərindən biridir.

Məqalədə:
Xəbər lenti

Xəbər lenti