Bakı. Trend:
BMT-nin Ərzaq və Kənd Təsərrüfatı Təşkilatı (FAO) və Azərbaycan doqquz prioritet istiqamətdə əməkdaşlıq edir.
Trend-in məlumatına görə, bu barədə FAO-nun Azərbaycan nümayəndəsinin müavini Bariz Mehdiyev Aqrar Məsləhət Xidmətləri üzrə Milli forum zamanı deyib.
Onun sözlərinə görə, bu istiqamətlərdə əməkdaşlıq aktiv şəkildə gücləndirilir.
"Biz bu il FAO və Azərbaycan arasında əməkdaşlığın ikinci mərhələsini imzalamaq niyyətindəyik", - o əlavə edib.
Qeyd edək ki, FAO-nun əsas məqsədi Azərbaycanda qida məhsullarının və tullantıların idarə olunması sahəsində layihələrə dəstəyə yönəlib. Tərəflər birlikdə kənd təsərrüfatı sahəsində 60-dan yuxarı layihə reallaşdırıb, xüsusən də ölkənin bölgələrində kənd təsərrüfatı mühiti, o cümlədən qida təhlükəsizliyi yaxşılaşdırılıb.