Bakı. Trend:
Sumqayıt Kimya Sənaye Parkının rezidenti “STP” MMC-yə daxil olan “SOCAR-STP” MMC ölkədə ilk dəfə olaraq stasionar dəniz platforma kranının istehsalına başlayıb.
Trend çərşənbə axşamı xəbər verir ki, bu barədə MMC-nin direktoru Fərid Ağayev Sumqayıt Texnologiya Parkının yeni məhsulunun təqdimatında deyib.
""80-30 (35Т)" stasionar platforma qaldırıcı kranı SOCAR "Azneft" İB-nin sifarişi əsasında hazırlanıb və birləşdirici platformalarda istifadə olunacaq", - o deyib.
Qeyd edək ki, kranın maksimal yükqaldırma qabiliyyəti 35 metrdə 3 ton, 30 metrdə 8 ton və 5 metrdə 35 tondur.