Bakı. Trend:
Allaha şükürlər olsun ki, biz doğma torpağa qayıdırıq.
Bunu Trend-ə açıqlamasında Füzuli sakini Humazadə Fərid deyib.
"Babam mənə Füzulidən danışmışdı, amma heç vaxt orada olmamışam. Allaha şükürlər olsun ki, biz doğma torpağa qayıdırıq. Biz çox həyəcanlıyıq. Füzuli bizim doğma yurdumuzdur”, - deyə o bildirib.
Xatırladaq ki, bu gün Füzuliyə 39 ailə - 150 nəfər yola salınıb. Bununla da Füzuli şəhərində 744 ailənin, yəni 2839 nəfərin daimi məskunlaşması təmin edilib.