Əlcəzair. Trend:
İslam İnkişaf Bankının (IsDB) 2024-cü ilə olan İllik Hesabatına əsasən Azərbaycan bankın 5649 səhminə malikdir və bu 56,49 milyon İslam dinarı (İD) məbləğində abunə kapitalına (subscribed capital) bərabərdir.
Trend xəbər verir ki, həmin məbləğin 14,70 milyon islam dinarını ödənilmiş (tələb olunmuş) kapitalı, 41,79 milyon ID-si isə hələ ödənilməli (tələb olunmalı) kapitalı təşkil edir.
Azərbaycanın payı IsDB-nin ümumi abunə kapitalının 0,10 faizini təşkil edir. Ödənilmiş kapitaldan artıq 7,91 milyon ID ödənilib, 6,79 milyon ID isə hələ ödəniş vaxtı çatmamış məbləğ kimi qeyd olunub. Hesabatda vurğulanır ki, Azərbaycanın heç bir gecikmiş ödənişi yoxdur.