Bakı.Trend:
2026-cı il yanvarın 1-i vəziyyətinə damazlıq təsərrüfatlarında 23,9 min baş iribuynuzlu mal-qara, 17,4 min baş qoyun və keçi mövcud olub.
Trend xəbər verir ki, bu barədə Dövlət Statistika Komitəsi tərəfindən dərc edilən aylıq statistikada qeyd olunub.
Bildirilir ki, mal-qaranın cins tərkibinin yaxşılaşdırılması üçün dövlət və özəl damazlıq təsərrüfatları heyvandarlıqla məşğul olan hüquqi və fiziki şəxslərə ötən il 6,9 min baş iribuynuzlu mal-qara, 4,0 min baş qoyun və keçi satıb.
2025-ci ildə 174,6 min baş inək və düyələr elit törədicilərin toxumları ilə mayalandırılıb.