Bakı. Trend:
“PAŞA Holding” tərəfindən təşkil olunan “INMerge” Innovasiya
Sammiti İstanbulda keçirilən tədbirdən sonra “Roadshow” silsiləsini
Daşkənddə davam etdirdi.
Tədbir Mərkəzi Asiyanın sürətlə inkişaf edən rəqəmsal ekosistemini
araşdırmaq məqsədilə startaplar, vençur kapitalı və korporativ
innovasiya sahələrindən regional və qlobal liderləri bir araya
gətirdi.
Proqram Caspar Craven-in “You Can't Navigate a New World Using an
Old Set of Charts: Why Change Demands a Different Mindset”
mövzusunda əsas çıxışı ilə açıldı və dəyişiklik dövrlərində adaptiv
liderliyin əhəmiyyətini vurğuladı.
“Building Everyday Ecosystems: Designing Products Around the
Customer Journey” adlı paneldə sənaye liderləri müştəriyönümlü,
fasiləsiz platformaların qarşılıqlı əlaqə və dəyər yaradılmasını
necə yenidən formalaşdırdığını müzakirə etdilər. Paneldə “Uzum”un
Məhsul və Texnologiyalar üzrə Baş Direktoru Kevin Khanda,
“Paynet”in Baş İcraçı Direktoru Anvar İsamuxamedov, “Bir
ekosistem”in Məhsul, Marketinq və Müştəri Təcrübəsi üzrə Baş
Direktoru Maksim Evdokimov, “Yandex Uzbekistan”ın Fintex rəhbəri
Semyon Morgunov və “TBC Uzbekistan”ın Müştəri Təcrübəsi üzrə Baş
Direktoru Sergey Chekalkin çıxış etdilər. Sessiyaya Özbəkistan
Fintex Assosiasiyasının sədri Nargis Dustmatova moderatorluq etdi.
Müzakirə texnologiya, data və istifadəçi təcrübəsinin
inteqrasiyasının miqyaslana bilən, gündəlik həllərin qurulmasında
həlledici rol oynadığını ön plana çıxardı.
İnvestisiya və regional inkişaf mövzusuna keçid edən “Can Capital
Alone Build the Digital Silk Road or Are We Missing Something?”
adlı paneldə maliyyələşmə, infrastruktur və strateji baxışın
qarşılıqlı əlaqəsi müzakirə olundu. Sessiyaya “AICA” – Mərkəzi
Asiya Süni İntellekt Assosiasiyasının İdarəedici Direktoru Behzod
Ismoilov moderatorluq etdi. Paneldə “PAŞA Maliyyə Holding”in
İnnovasiyalar üzrə rəhbəri və “INMerge Ventures”un İdarəedici
Partnyoru Tuğra Musayeva, "MOST Holding”in Baş İcraçı Direktoru,
İdarəedici Partnyoru və həmtəsisçisi, həmçinin “MOST Ventures”
çərçivəsində “MOST Investors’ Club”un həmtəsisçisi Alim Khamitov,
“IT Park Ventures”un Baş İcraçı Direktoru Daler Nodirov, “UzVC”nin
İdarəedici Partnyoru Abdulazal Toshkhujaev və “DOMiNO Ventures”un
İdarəedici Partnyoru Mustafa Kopuk çıxış etdilər. Panel
iştirakçıları vurğuladılar ki, kapital vacib olsa da, dayanıqlı
ekosistemlərin inkişafı eyni dərəcədə istedad, tənzimləyici dəstək
və sərhədlərarası əməkdaşlıqdan asılıdır.
“Roadshow” aparıcı regional investorlar tərəfindən qiymətləndirilən
“Startap Pitch” müsabiqəsi ilə yekunlaşdı. Seçilmiş üç startap 8–9
oktyabr 2026-cı il tarixlərində Bakıda keçiriləcək əsas INMerge
tədbirində iştirak etmək imkanı qazandı.
Birinci yerin qalibi olan “Screenix AI” tam maliyyələşdirilən paket
əldə edəcək, “UGC Market Uzbekistan” və “Redeem” isə qismən maliyyə
dəstəyi ilə təmin olunacaq.
Qeyd edək ki, 2006-cı ildə təsis olunmuş PAŞA Holding bu gün
bankçılıq, sığorta, fintex, daşınmaz əmlak, pərakəndə ticarət, kənd
təsərrüfatı və digər sahələrdə fəaliyyət göstərən ölkənin aparıcı
biznes qruplarından biridir. 25 mindən çox əməkdaşı və 18 milyard
ABŞ dollarını aşan aktivləri ilə Holdingin beynəlxalq fəaliyyəti də
genişlənməkdədir. Hazırda PAŞA Holding Azərbaycan, Özbəkistan,
Türkiyə, Gürcüstan, Monteneqro və ABŞ-də fəaliyyət göstərir.
