Azərbaycan, Bakı / Trend müxbir İ. Xəlilova/ Yanvar-avqust aylarında bütün maliyyə mənbələrindən müəssə və təşkilatlar tərəfindən ölkə iqtisadiyyatının inkişafına 3827,7 mln. manat sərmayə qoyulub ki, bu da keçən ilin müvafiq dövrünün göstəricisindən 11,6 faiz yüksəkdir. Bazar ertəsi Dövlət statistika komitəsindən verilən xəbərdə bildirilir ki, şəxsi mülkiyyətdə olan müəssə və təşkilatlarlar tərəfindən əsas kapitala yatırmalar 2172, mln manat (ümumi investisiyaların 56,8 faizi), dövlət mülkiyyətində olanlar tərəfindən isə - 1655,3 mln. manat (43,2 faiz) təşkil edib.
Təmir-tikinti işlərinə yönəlmiş investisiyaların həcmi 19,3 faiz artaraq 2088,5 mln. manat təşkil edib . İstehsal yönümlü obyektlərin tikintisinə 3184,9 mln. manat (83,2 faiz ), qeyri istehsal obyektlərinə isə 642,8 mln. manat (16,8 faiz ) investisiya cəlb olunub .
Xarici investisiyaların xüsusi çəkisi 46,2 faiz təşkil edib . İnvestisiyaların ümumi həcmindən 53,8 faizi hesabat dövründə 52,3 faiz artan daxili investisiyaların payına düşüb .
Büdcə vəsaitləri hesabına tikilən obyektlərin maliyyələşdirilməsinə 736,8 mln. manat sərf olunub ( nəzərdə tutulan ümumi həcmin 38,4 faizi ) . Ümumilikdə 2007-ci ilin dövlət büdcəsində 1917,6 mln. manat nəzərdə tutulub .
Müəssisə və təşkilatlar hesabına əsas kapitala qoyulan investisiyaların həcmi 2544,1 mln. manat ( investisiyaların ümumi həcminin 66,5 faizi ), bank kreditləri hesabına - 153,9 manat (4 faiz ), büdcə vəsaitləri hesabına - 795,7 mln. manat (20,8 faiz ), büdcədən kənar fondların hesabına - 194,1 mln. manat (5,1) faiz , əhalini şəxsi vəsaitləri hesabına - 124,5 mln. manat (3,2 faiz ), digər vəsaitlər hesabına - 15,4 mln. manat (0,4 faiz ) təşkil edib .
