...

Azərbaycanda "quş qripi" üzrə birinci payız monitorinqi başlayıb

Biznes və iqtisadiyyat xəbərləri Materials 24 Sentyabr 2007 15:53 (UTC +04:00)

Trend-i buradan izləyin

Azərbaycan, Bakı/ Trend müxbir S.Babayeva/ Bazar ertəsi Azərbaycanda "quş qripi" təhlükəsi ilə bağlı birinci payız monitorinqinə başlanılıb. Bu barədə Azərbaycan Kənd Təsərrüfatı Nazirliyi yanında Dövlət Baytarlıq Xidmətinin (DBX) mətbuat katibi Yolçu Xanvəli məlumat verib.

Baytarlıq xidməti, Ekologiya, Səhiyyə nazirlikləri və Ovçular Cəmiyyətinin mütəxəssislərindən ibarət xüsusi komissiya tərəfindən keçirilən monitorinq sentyabrın 28-nə qədər davam edəcək. Yoxlamalar Abşeron yarımadası və Dəvəçi, Salyan, Ağcabədi və Lənkəran milli parklarının ərazisində keçiriləcək.

Xanvəli bildirib ki, ölkədə "quş qripi" ilə bağlı vəziyyət stabildir.

Bu il, DBX səkkiz monitorinq keçirib, 8210 ədəd çol və ev quşundan nümunələr götürülüb. Nümunələrin heç birində virus aşkar olunmayıb.

Azərbaycanda vəhşi quşların ovlanması, istifadəsi və satışına qadağa qüvvədə qalmaqda davam edir. Ölkənin sərhəd-keçid məntəqələrindəki baytarlıq məntəqələri nəinki "quş qripi", həmçinin afrika taunu, dabaq və s. xəstəliklərin qarşısını almaq üçün gücləndirilmiş iş rejimində fəaliyyət göstərir.

Xəbər lenti

Xəbər lenti