Azərbaycan, Bakı/ Trend , müxbir S.Əliyev/ Dünya ölkələrinin problemli xarici borcları oktyabrın 2-də Berndə (İsveçrə) keçiriləcək konfransda müzakirə mövzusu olacaq. Bu barədə görüşdə Azərbaycanı təmsil edəcək İctimai Maliyyə Monitorinq Mərkəzinin rəhbəri İnqilab Əhmədov məlumat verib.
Əhmədov görüşdə Azərbaycanın borcları haqqında məruzə ilə çıxış edəcək.
Onun sözlərinə görə, Azərbaycanın, necə deyərlər, "xoşagəlməz borc"ları yoxdur. Bəzi borclarda isə, mübahisəli məqamlar mövcuddur. Azərbaycanın Türkiyə və Ukrayna şirkətləri qarşısında bu cür borcları var. Həmçinin, Azərbaycanın Türkmənistan qarşısında mübahisəli borcu var.