Azərbaycan, Bakı/ Trend , müxbir Xəlilova/ Azərbaycan və Moskva Hökuməti Moskvada Bakı Evi və Bakıda Moskva Evinın açılması ilə bağlı konsepsiya hazırlayırlar. Bu barədə cümə axşamı Azərbaycanın Mədəniyyət və turizm naziri Əbülfəs Qarayev məlumat verib.
"Bunun hansı formada yaradılacağı aydınlaşdıqdan sonra, açılış yeri və zamanı müəyyənləşəcək" - deyə nazir bildirib.
Azərbaycan tərəfi texniki tapşırıqlar hazırlayıb və Moskva Hökumətinə Rusiya paytaxtında Azərbaycan Evinin tikilməsi üçün 10 min kvadrat metrlik sahənin verilməsinə dair təkliflə çıxış edib. Lakin oktyabrın 4-də Bakıda hökumətlərarası komissiyanın iclasında Moskva merinin birinci müavini Lyudmila Şveçova qeyd edib ki, bu gün torpaq sahələrinin ayrılması ilə bağlı ağır vəziyyət yaranıb, lakin Azərbaycan Respublikasının təklifinə yaxın zamanlarda baxılacaq.