Azərbaycan, Bakı/ Trend , müxbir S.Əliyev/ Azərbaycanın Nəqliyyat Nazirliyi hökumətə 2008-2010-cu illər üçün Bakının nəqliyyat infrastrukturunun təkmilləşdirilməsi üzrə əlavə fəaliyyət planı təqdim edib. Nazirlik və müəssisələrlə razılaşdırıldıqdan sonra, planda göstərilən layihələrin texniki- iqtisadi əsaslandılrılması aparılacaq. Bundan sonra onların həyata keçirilməsinə başlanılacaq. Bunu cümə günü Nəqliyyat Nazirliyinin Nəqliyyat siyasəti və İqtisadiyyat şöbəsinin müdiri Sədrəddin Məmmədov bildirib.Tədbirlər planı çərçivəsində, 11 körpü, 10 piyada keçidi və 13 çoxmərtəbəli avtodayanacaq tikilməsi planlaşdırılır.
Bu layihələrin həyata keçirilməsinin dəyəri texniki- iqtisadi əsaslandırma hazırlandıqdan sonra müəyyən olacaq.
2006-2007-cu illər üçün Bakının nəqliyyat infrastrukturunun təkmilləşdirilməsi üzrə planın həyata keçirlməsinə artıq 150 mln. manat sərf olunub. Beş körpü və beş piyada keçidi istismara verilib.
