Azərbaycan, Bakı / Trend müxbir U.İsmayılova/ Azərbaycanın iri sığorta şirkətlərindən biri olan "Ata Sigorta" yanvar-oktyabr ayları ərzində 3,4 mln. manat həcmində sığorta haqları toplayıb ki, bu da 2006-ci ilin analoji dövr göstəricilərini 48,1 faiz üstələyir.
Bu dövr ərzində şirkətin sığorta ödəmələri 504,3 min. manat təşkil edib. Bu, 2006-ci ilin 10 ayının göstəricilərindən 58,9 faiz çoxdur.
Ötən ilin yanvar-oktaybr ayları ərzində "Ata Sigorta"nın sığorta haqları 2,3 mln. manat, sığorta ödəmələri isə 318,2 min. manat təşkil edib.
"Ata Sigorta" Azərbaycanın sığorta bazarında 2004-cü ildən fəaliyyət göstərir. Şirkətin nizamnamə kapitalı 2 mln. manat təşkil edir.