Azərbaycan, Bakı / Trend , İ.Xəlilova / Azərbaycanın İxracın və İnvestisiyaların Təşviqi Fondu 2007-ci ildə ixracın və investisiyaların təşviqi üzrə biznes-forumların təşkili ilə bağlı planlarını artıqlaması ilə yerinə yetirib. Bu barədə fondun prezidenti Emil Məcidov məlumat verib.
"Bu il tədbirlərin sayı 40-ı ötüb, baxmayaraq ki, əvvəlcə sayın 30-35 olması planlaşdırılıb. Əslində biznes-konfransların sayı 30 olmalıdır, bizim müqavilələrlə məşğul olmaq, məlumat toplamaq üçün vaxtımız var" - Məcidov bildirib.
İlin sonuna qədər daha iki tədbirin keçirilməsi planlaşdırılır.
30-35 nəfərdən ibarət biznes qrupunun Almaniyaya səfərinin dekabrın əvvəlində baş tutacağı gözlənilir.
Azərbaycanın investisiya imkanları Münhen, Hamburq və Frankfurt şəhərlərində nümayiş olunacaq. Azərbaycan investorları tikinti, maliyyə, kənd təsərrüfatı sahələrini təmsil edəcəklər.
Dekabrın ortalarında ölkənin Sloveniyada təqdim olunacağı gözlənilir.
.
