Azərbaycan, Bakı/ Trend , müxbir Ü.İsmayılova/ Dövlət Əmlakının İdarə edilməsi üzrə Dövlət Komitəsi pul hərracında "Zaqatala-Mehmanxana" SC - nin reallaşdırılmayan səhmlərini investisiya müsabiqəsinə çıxarıb. Namizədlər mehmanxananı müvafiq xidmətlərlə, yeni iş yerləri ilə təmin etməli və sosial təminatın yaxşılaşdırılmasına dair təkliflər təqdim etməlidirlər. Müsabiqənin qalibi investisiya proqramının təklifi əsasında şirkətə 6 ay ərzində 135 min manat pul yatırmalıdır. Bu məbləğ mehmanxana binasının yenilənməsinə, kommunikasiya xəttlərinin bərpasına, xidmətlərin keyfiyyətinin yaxşılaşdırılmasına sərf olunacaq. Müsabiqənin şərtlərinə əsasən, alqı-satqı haqqına müqaviləni imzaladıqdan sonra, şirkət 30 gün müddətində dövlət büdcəsinə 20 min manat köçürməlidir.
...
