Azərbaycan, Bakı / Trend , müxbir S.Babayeva/ Naxçıvan Muxtar Respublikasının Bakıdakı daimi nümayəndəliyindən verilən məlumata görə, yanvar-noyabr ayları ərzində Muxtar Respublikaya 195,2 mln. manat investisiya qoyulub ki, bu da 2006-cı ilin analoji dövrünün göstəricisindən 24% çoxdur.
Bu dövr ərzində tikinti-montaj işlərinə qoyulan investisiyalar 64,6 artaraq 157 mln. manat təşkil edib. Bu göstərici bütün investisiyaların 80%-i təşkil edir.
Yanvar-noyabr ayı ərzində Naxçıvan MR-in tikinti müəssisələri tərəfindən 140 mln. manat həcmində tikinti işləri aparılıb ki, bu da 2006-cı ilin analoji göstəricisindən 66,9% çoxdur.
Yanvar-noyabr ayları ərzində tikinti şirkətlərinin əməkdaşlarının sayı 64,3% artaraq, 7002 nəfər təşkil edib.
