Azərbaycan, Bakı / Trend müxbir Ü.İsmayılova/ Azərbaycanın Qiymətli Kağızlar üzrə Dövlət Komitəsinin cümə axşamı yaydığı məlumatında bildirilir ki, Azərbaycan-İngiltərə birgə sığorta şirkəti olan "Thames Insurance Group" nizamnamə kapitalını artırıb.
Dövlət Komitəsi "Thames Insurance Group"un nominal dəyəri 20 manat olan 5 min səhmini qeydiyyatdan keçirib, sığorta şirkətinin nizamnamə kapitalı 100 min manat artırılıb və 800 min manat məbləğində müəyyənləşdirilib.
Azərbaycan Maliyyə Nazirliyinin məlumatına görə, Azərbaycanda fəaliyyət göstərən sığorta şirkətlərinin məcmu nizamnamə kapitalı doqquz ay ərzində 58,2 mln. manat təşkil edib.
