Azərbaycan, Bakı, 30 yanvar / Trend , müxbir İ.Xəlilova / 2008-ci il yanvarın 1-nə olan vəziyyətə görə, Azərbaycanın xarici borcu $2 441,9 mln. olub, bu da ÜDM-in 8,2 faizini təşkil edir, çərşənbə günü ölkənin Maliyyə Nazirliyindən bildirilib.
Ötən ilin əvvəli ilə müqayisədə, xarici borcun həcmi 23,8 faiz artıb.
Adam başına düşən xarici borc $283,9 təşkil edir.
Ötən il $441,2 mln. kredit mənimsənilib. Xarici borcun xidmət xərcləri $170,5 mln. təşkil edib. Borcun əsas hissəsi $102,2 mln., faiz - $68,3 mln. təşkil edir. Büdcə vəsaiti hesabına kreditin ödənilməsinə $61,7 mln. ayrılıb.
Xaricir borcun 15,3 faizi ($372,6 mln.) iqtisadi islahatlara yönəldilən kreditlərin payına düşür, bunun $100,6 mln. (4,1 faiz) - BVF-dən, $272 mln.(11,2 faiz) - DB- dən borc götürülüb. Kreditlərin böyük hissəsi investisiya layihələrinin maliyyələşməsinə - $2069,3 mln. (84,7 faiz) cəlb olunub. Bununla belə, bu vəsaitlərin 35,7 faizi ($870,6 mln.) energetika sektoruna, 7,6 faizi ($185,4 mln.) - kənd təsərrüfatı və meliorasiyaya, 19,1 faizi ($467 mln.) - yol tikintisi və nəqliyyata, 1,5 faizi ($36,7 mln.) - kimyəvi sənaye sahəsinə, 6,3 faizi ($153,9 mln.) - neft- qaz sektoruna, 7,4 faizi ($180,9 mln.) - sosial sahəyə yönəldilib.