Azərbaycan, Bakı, 04 fevral/ " müxbir İ.Xəlilova/ Azərbaycan İnvestisiya Şirkəti (AİŞ) SC-nin Garadagh Cement-in kapitalında 10 faizədək səhmlərin əldə edilməsi yolu ilə səhmdarlığa daxil olması haqqında müqavilənin imzalanması fevralın 13-də baş tutacaq. Bu barədə bazar ertəsi AİŞ -dən məlumat veriblər.
SC-nin Müşahidə Şurası yanvarın 29-da Garadagh Cement sement zavodunun yeniləşdirilməsində və yeni sement zavodunun tikintisi layihəsində iştirak haqqında qərar qəbul edib.
"AİŞ-in səhmdarlığa daxil olması Azərbaycan tərəfi üçün çox sərfləri şərtlərlə baş verəcək və bu bir daha Garadagh Cement-in investisiya şirkətinin onun fəaliyyətində iştirakında maraqlı olduğunu göstərir", - iclasdan sonra Şuranın sədri, iqtisadi inkişaf naziri Heydər Babayev Trend -a məlumat verib.
AİŞ -ə müəssisənin əsas səhmdarı İsveçrənin Holcim şirkətinin iştirak payından səhm paketi veriləcək. AYİB -in səhmdarlar sırasına daxil olmasınadək Holcim-in sərəncamında səhmlərin 89,4 faizi olub. 2006-cı ildə Avropa Bankının Direktorlar Şurası Garadagh Cement-də $10 mln. 20 faiz işitrak payı almaq haqqında qərar qəbul edib və ötən il AYİB səhmdarlar sırasına daxil olub.
Yenidənqurma nəticəsində hazırki zavodun istehsal həcmi artırılacaq və Garadagh Cement-in hazırki gücünü (1,4 mln. tonn) ötəcək.
Gücü 1,5 mln. ton olacaq yeni zavodun tikintisi də Qaradağ rayonunda nəzərdə tutulub. Avropa Yenidənqurma və İnkişaf Bankının yeni layihədə iştirakına dair ilkin şərtlər artıq Garadagh Cement-lə imzalanıb.
İlkin hesablamalara görə, yeni sement zavodu $150 mln. qiymətləndirilir.
İsveçrənin Holcim şirkəti Garadagh Cement-i 1999-cu ildə özəlləşdirib.
