Azərbaycan, Bakı, 09 fevral / Trend , müxbir İ.Xəlilova / "Azərbaycan İnvestisiya Şirkəti" 2008-ci ilin sonunadək nizamnamə kapitalında qalan vəsaitlərin tam mənimsənməsini gözləyir, AİŞ-in icraçı direktoru Anar Axundov deyib.
"İmzalanmış memorandum və layihələrə görə, biz bu il nizamnamə kapitalını tam mənimsəyirik. Memorandum ilk addımdır və yalınz bəziləri üzrə nəticələr gözlənilir. Buna görə də birmənalı olaraq bizim bunu mənimsəyəcəyimizi demək düzgün deyil" - Axundov dəqiqləşdirib.
AİŞ rəhbərinin sözlərinə görə, memorandumun imzalanması, investisiya şirkətinin mütləq investisiya yatıracağı demək deyil. Belə ki, layihələr imzalandıqdan sonra onların səmərəliliyini aşkara çıxarmaq üçün qiymətləndirmə keçirilir.
Hazırda investisiya şirkətinin portfeli $40 mln. ("Garadagh Cement"ə 13,7 mln. avro yatırılması üzrə sonuncu investisiya qərarını nəzərə almaqla) təşkil etməsinə baxmayaraq, onların mənimsənilməsi biznes-planlar çərçivəsində ehtiyac yaranan zaman baş verir. İnvestisiya şirkətinin ilkin nizamnamə kapitalı Azərbaycan Dövlət Neft Şirkətinin hesabına 90mln. səviyyəsində formalaşdırılıb.
AİŞ gələcəkdə layihələrin gələcək maliyyələşdirilməsi üçün xarici kreditləri cəlb etməyi planlaşdırır. AİŞ rəhbəri hesab edir ki, bəzi iri layihələr (Neftkimya kompleksinin, Gəmi təmiri zavodunun və neft terminalının tirkintisi) üzrə investisiya qərarlarının qəbul edilməsi nəticəsində şirkətin nizamnamə fondunda qalan vəsaitlər kifayət etməyə bilər. Bununla əlaqədar olaraq AİŞ əlavə vəsaitlərin cəlb edilməsini nəzərdən keçirir, həm BMİ kimi iri investorlar dairəsi, həm də özəl iri investisiya şirkətləri ilə danışıqlar aparılır.
AİŞ-in kredit götürmələri xarici kreditləşmə və avroistiqrazların buraxılması vasitəsilə mümkündür.
Bunun üçün ilk dəfə olaraq 2007-ci ilin yekunu üzrə investisiya şirkətlərinin fəaliyyətlərinin auditi keçiriləcək. Danışıqlar iki iddiaçı ilə - "Ernst & Young" və "Delloitte & Touch" aparılıb. Yanvarın 29-da Müşahidə Şurası auditorun namizədliyini qəbul edib. Lakin Axundov rəsmi elan edilmədən əvvəl onu açıqlamaqdan imtina edib.
