Azərbaycan, Bakı, 25 fevral / " müxbir U.İsmayılova/ Azərbaycan hökumətinin layiqli əməkdən istifadə üzrə Avropa təcrübəsindən istifadə etməsi lazımdır. Bu barədə çərşənbə axşamı Bakıda Mərkəzi Asiya və Avropa üzrə Beynəlxalq Həmkarlar İttifaqı Konfederasiyasının eksperti Serqius Qlovaskas bildirib.
"Azərbaycanın əmək bazarında baş verənlər bizim təşkilatı narahat edir" - deyə Qlovaskas vurğulayıb.
Dövlət Statistika Komitəsinin məlumatına görə, 2007-ci ildə ölkədə bir vakant yerə dörd işsiz iddia edib. Cari ilin yanvar ayının 1-nə Azərbaycanda işsiz qismində rəsmi olaraq 50 mindən yuxarı adam qeydiyyatdan keçib. Onların 50 faizi qadındır. Ötən il ölkənin əmək qabiliyyətli əhalisi 4295,2min nəfər təşkil edib ki, onlardan 4010,5 min nəfəri məşğuldur. 1363,5 min nəfər muzdla işləyr ki, bunun 852,1 min nəfəri iqtisadiyyatın dövlət hissəsində çalışır.
Ekspertin sözlərinə görə, Azərbaycan hökuməti, məsələn, yol, körpü və bina tikintisi üçün podratçıya sifarişə qədər tikintidə hər bir işçiyə münasibətin şəffaflığını yoxlamalı, yalnız layiqli əməkdən istifadə edən, işçinin hüququnu pozmayan və kölgə iqtisadiyyatı ilə əlaqəsi olmayan şirkətlərlə işləməlidir.
Bu işdə hökumətə əmək bazarının öyrənilməsindən sonra məsləhət verəcək Azərbaycan Həmkarlar İttifaqı kömək edə bilər.
Beynəlxalq Həmkarlar İttifaqı Konfederasiyası - iri dünya həmkarlar ittifaqı birliyidir. Konfederasiyaya dünyanın 154 ölkəsində 170 mln. işçi ilə təmsil olunan 307 üzv təşkilat daxildir. Azərbaycan 2001-ci ildən konfederasiyanın üzvüdür.
Müəlliflə əlaqə saxlamaq üçün elektron ünvan : capital
