...

Azərbaycan AİB idarəçilərinin illik görüşündə iştirak edəcək

Biznes və iqtisadiyyat xəbərləri Materials 30 Mart 2008 16:41 (UTC +04:00)

Trend-i buradan izləyin

Azərbaycan, Bakı, 30 mart/ " müxbir İ.Xəlilova/ Asiya İnkişaf Bankı (AİB) idarəçiləri Şurasının illik iclasının mayın 3-6-da Madriddə keçirilməsi planlaşdırılıb. Bu barədə bazar günü Azərbaycanın İqtisadi İnkişaf Nazirliyindən məlumat veriblər. AİB-dən Azərbaycan tərəfindən idarəçi iqtisadi inkişaf naziri Heydər Babayevdir. Onun bankın prezidenti Haruhiko Kuroda (Haruhiko Kuroda) və bankın digər yüksək vəzifəli üzvləri ilə görüşəcəyi gözlənilir.

Görüşlərdə bankın ölkə ilə əməkdaşlıq strategiyası müzakirə ediləcək. 2007-ci ilin sentyabrınadək bank tərəfindən maliyyələşdirilmiş layihələrin ümumi portfeli $104 mln. təşkil edib. Azərbaycanın AİB ilə əməkdaşlığa başladığı vaxtdan - 1999-cu ildən üç layihə maliyyələşdirilib. Lakin nəqliyyat layihələrinin maliyyələşdirilməsi üçün $500 mln. dəyərində Multitranche Financing Facility (MFF) mexanizminin təsdiq edilməsi nəticəsində portfel $604 mln.-dək artıb.

Asiya Bankı dövlət zəmanəti altında maliyyələşdirmənin həcmini artırmaqla yanaşı, Azərbaycanın bank sektorunun birbaşa maliyyələşdirilməsi üzrə əsas oyunçuya çevrilməyə başlayıb. Bu gün AİB tərəfindən Azərbaycan bankları üçün $35 mln. kredit xətti ayrılıb. Asiya İnkişaf Bankı hələ ötən ilin yayında Azərbaycanın bank sektoru üzrə portfelin $120 mln.-dək genişləndirilməsi haqqında planlarını elan edib. AİB nümayəndələrinin rəyinə görə, bu vəsait maksimum 2008-ci ilin mayınadək mənimsənilə bilər.

AİB 1966 -cı ildə təsis edilib və 67 üzvü var. Bankın qərargahı Filippinin paytaxtı Maniladadır. Azərbaycan 1999-cu il dekabrın 22-də Asiya bankının üzvlüyünə qəbul edilib və onun Bankın kapitalında iştirak payı 0,5 faiz təşkil edir.

AİB-in aparıcı səhmdarları Yaponiya və ABŞ (ümumi səhmdar kapitalın 31,2 faizi), Hindistan və Çin (12,8 faiz), Avstraliya, Cənubi Koreya, Kanada (16 faiz) və sair ölkələrdir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti