Azərbaycan, Bakı, 02 aprel / Trend , müxbir İ.Xəlilova / 2008-ci ilin birinci mərhələsinin yekunlarına əsasən, Azərbaycan Milli Bankının sərəncamında olan rəsmi valyuta ehtiyatları 4 260,7 mln. dollar təşkil edib. Bu barədə çərşənbə günü AMB-dan məlumat verilib. İlin əvvəli ilə müqayisədə oların artımı 6,11 faiz (245,6 mln. dollar) təşkil edib. 2006-cı ildə ehtiyatlar 1,967 mlrd.dollar, 2007-ci ildə isə 4015,3 mln. dolları təşkil edib.
Valyuta ehtiyatlarının artımı Milli Bankın ölkənin makroiqtisadi stabilliyinin saxlanılmasına istiqamətlənmiş məzənnə siyasəti çərçivəsində baş verir. Milli valyuta məzənnəsinin artımını saxlamaq məqsədilə Milli Bank, keçən ildə olduğu kimi, valyuta bazarında aktiv iştirak edir. Valyuta müdaxiləsi artıq dollar kütləsinin alınması məqsədi ilə keçirilir ki, bu da öz növbəsində valyuta ehtiyatlarının artmasına imkan yaradıb.
Dünya Bankı AMB-nın sərəncamında olan rəsmi valyuta ehtiyatlarının 2010-cu ilə qədər 11,322 mlrd. dollar artmasını proqnozlaşdırır. 2008-ci ilin proqnozlarına görə, ehtiyatlar 9,210 mlrd. dollar, 2009-cu ildə isə 11,146 mlrd. dollara qədər artırılacaq. Baxmayaraq ki, keçən ilin valyuta ehtiyatlarının real göstəriciləri DB-nın gözlədiyi nəticələri 1 mlrd. dollar (3,051 mlrd.dollar) üstələyib.
DB xəzinədarlığı AMB-nın valyuta vəsaitlərinin idarəsi üzrə menecerlərdən biridir. DB-nın Xəzinədarlıq Departamentinə idarə edilmə üçün 100 mln. dollar verilib. Hazırda xarici menecerlərin idarəsində ümumilikdə 250 mln.dollar var.
Müəlliflə əlaqə saxlamaq üçün elektron ünvan: [email protected]